ईरा शब्दकोडे म्हणजे काय?

ईरा शब्दकोडे हा ईरा ब्लॉगिंग प्रायव्हेट लिमिटेड या कंपनीचा उपक्रम आहे. ईरा ब्लॉगिंग गेली अनेक वर्षं irablogging.com या व्यासपीठावर आणि ईरा अ‍ॅपवर मराठी कथा प्रकाशित करते. दोनशेहून अधिक लेखक तिथे लिहितात आणि लाखो वाचक रोज कथा वाचतात.

आमच्या वाचकांना मराठी भाषेची आवड आहे आणि अनेकांना वर्तमानपत्रातली शब्दकोडी सोडवण्याचा छंदही आहे. या दोन्ही गोष्टी एकत्र आणून आम्ही हे रोजचं डिजिटल शब्दकोडे सुरू केलं. इथे रोज सोपं, मध्यम आणि अवघड अशी तीन शब्दकोडी असतात, त्यानंतर मराठी भाषा आणि साहित्यावरची प्रश्नमंजुषा आणि शेवटी ईराच्या कथांवरची प्रश्नमंजुषा. सगळ्या पातळ्या पूर्ण करणाऱ्या खेळाडूंची नावं लीडरबोर्डवर झळकतात.

मराठी टायपिंगची अडचण सोडवली

मराठी शब्दकोडं ऑनलाईन न्यायचं तर सगळ्यात मोठी अडचण टायपिंगची होती, कारण बहुतेक वाचकांच्या मोबाईलवर मराठी कीबोर्ड नसतो. म्हणून आम्ही अशी पद्धत बनवली की तुम्ही इंग्रजी अक्षरांत टाईप करता आणि चौकोनात मराठी अक्षर आपोआप उमटतं. la लिहिलं की ला दिसतं, man लिहिलं की मं दिसतं. त की ट असा गोंधळ झाला तर पर्याय दिसतात आणि एका टॅपने हवं ते अक्षर निवडता येतं.

ही संकल्पना कोणाची?

ही संकल्पना ईरा ब्लॉगिंग प्रा. लि. च्या सीईओ संजना सूर्यवंशी यांची आहे. त्या संगणक अभियांत्रिकीच्या पदवीधर आणि तंत्रज्ञान क्षेत्रातल्या व्यावसायिक असून ईराची वेबसाइट, अ‍ॅप आणि कंटेंट यांची रचना त्यांच्या नेतृत्वाखाली होते. ईरा शब्दकोडेही त्यांच्याच देखरेखीखाली तयार झालं आहे.

शब्दकोडी कशी बनतात?

प्रत्येक शब्दकोडं मराठी शब्दांच्या आमच्या संग्रहातून बनतं. शब्द निवडताना रोजच्या वापरातले, सण, नाती, स्वयंपाकघर, साहित्य आणि लोककला अशा विषयांतले शब्द घेतले जातात आणि प्रत्येक शब्दासाठी सोप्या मराठीत सूचना लिहिली जाते. शब्दांचा संपूर्ण संग्रह आणि अर्थ शब्दसंग्रह या पानावर आहेत आणि आदल्या दिवसाची उत्तरं उत्तरं या पानावर असतात.

संपर्क

सूचना, चुका किंवा नवे शब्द कळवायचे असतील तर संपर्क पानावरून आम्हाला लिहा. आम्हाला तुमचा अभिप्राय ऐकायला आवडेल.