कसं खेळायचं

खेळ कसा चालतो

रोज रात्री बारानंतर नवं कोडं येतं. प्रत्येक फेरीत पाच पातळ्या असतात: सोपे, मध्यम आणि अवघड अशी तीन शब्दकोडी, मग मराठी भाषा आणि साहित्याची प्रश्नमंजुषा आणि शेवटी ईराच्या कथांवरची प्रश्नमंजुषा. पातळ्या कोणत्याही क्रमाने खेळता येतात, पण एकेक करून पुढे गेलात तर सोपं जातं. प्रत्येक पातळी पूर्ण झाली की तुमचे गुण नोंदवले जातात. पाचही पातळ्या झाल्या की विजयी कार्ड मिळतं आणि नवी फेरी उघडते, नव्या कोड्यांसह आणि नव्या प्रश्नांसह. फेऱ्यांना मर्यादा नाही, म्हणून जितकं खेळाल तितके गुण जमा होतात.

लॉगिन करावं लागत नाही. पहिली पातळी पूर्ण झाल्यावर तुमचं नाव विचारलं जातं आणि तेच नाव लीडरबोर्डवर दिसतं. तुमची प्रगती तुमच्या ब्राउझरमध्ये साठवली जाते, म्हणून पान बंद करून पुन्हा उघडलं तरी कोडं तिथूनच पुढे चालू राहतं. मात्र दुसऱ्या मोबाईलवर किंवा दुसऱ्या ब्राउझरमध्ये ही प्रगती दिसणार नाही.

चौकोनात अक्षर कसं टाईप करायचं

चौकोनावर टॅप करा आणि इंग्रजी अक्षरांत टाईप करा. प्रत्येक चौकोनात एकच मराठी अक्षर येतं. नियम तीनच आहेत:

1. व्यंजन एकटं लिहिलं की ते अक्षर एकटं येतं: l म्हणजे ल, k म्हणजे क.
2. काना, मात्रा, वेलांटी, उकार यांसाठी व्यंजनानंतर स्वर लिहा: la म्हणजे ला, li म्हणजे लि, lee म्हणजे ली, lu म्हणजे लु, loo म्हणजे लू, le म्हणजे ले, lo म्हणजे लो.
3. अनुस्वारासाठी स्वरानंतर n लिहा: man म्हणजे मं, maan म्हणजे मां, kun म्हणजे कुं.

ट, ठ, ड, ढ, ण, ळ आणि ष यांसाठी इंग्रजीतलं मोठं अक्षर वापरा: T म्हणजे ट आणि t म्हणजे त, L म्हणजे ळ आणि l म्हणजे ल. मोठं अक्षर टाईप करणं अवघड वाटलं तरी काळजी नाही, कारण अक्षर टाईप केल्यावर खाली पर्याय दिसतात. tu लिहिलं की तु, तू, टु, टू असे पर्याय दिसतात आणि हवा तो पर्याय एका टॅपने निवडता येतो.

तुमच्या मोबाईलवर मराठी कीबोर्ड असेल तर थेट मराठीतही टाईप करू शकता. ते अक्षर जसंच्या तसं चौकोनात येतं.

पुढच्या चौकोनात कसं जायचं

• अक्षर पूर्ण झाल्यावर स्पेस किंवा एंटर दाबा, म्हणजे पुढचा चौकोन उघडतो. मागे आणि पुढे ही बटणंही आहेत.
• बहुतेक वेळा पुढचा चौकोन आपोआप उघडतो. उदाहरणार्थ tu नंतर L टाईप केलं की तु पूर्ण होतं आणि ळ पुढच्या चौकोनात जातं. फक्त अक्षराला काना किंवा मात्रा नसेल, जसं स किंवा र, तेव्हा स्पेस दाबावी लागते, नाहीतर पुढचं व्यंजन त्याला जोडलं जातं.
• दोन व्यंजनं एकाच चौकोनात आली तर पर्यायांमध्ये दोन चौकोन हा पर्याय दिसतो, तो टॅप केला की ती वेगळी होतात.
• भरलेल्या चौकोनावर टॅप करून नवं अक्षर टाईप केलं की जुनं अक्षर बदलतं. रिकाम्या चौकोनात बॅकस्पेस दाबली की मागचा चौकोन रिकामा होतो.
• एकाच चौकोनावर दोनदा टॅप केलं की आडवे आणि उभे यांच्यात दिशा बदलते. सूचनेवर टॅप केलं की तो शब्द निवडला जातो.

पूर्ण तक्ता

गुण

• शब्दकोडं पूर्ण सोडवलं: १०० गुण. अक्षर दाखवा वापरलं तर प्रत्येक अक्षरामागे ५ गुण कमी.
• उत्तरं दाखवा वापरलं तर तोपर्यंत बरोबर आलेल्या शब्दांच्या प्रमाणात गुण मिळतात आणि ती पातळी पूर्ण होते.
• तपासा हे बटण कितीही वेळा वापरता येतं, त्याचे गुण कमी होत नाहीत. चुकलेली अक्षरं काही क्षण लाल दिसतात.
• प्रश्नमंजुषेत प्रत्येक बरोबर उत्तरासाठी १० गुण.
• एका फेरीचे जास्तीत जास्त गुण ५००. पाचही पातळ्या झाल्या की नवी फेरी सुरू करता येते, नव्या कोड्यांसह आणि नव्या प्रश्नांसह, आणि तिचे गुणही जमा होतात. फेऱ्यांना मर्यादा नाही.
• लीडरबोर्डवर पहिल्या दिवसापासूनचे सगळे गुण जमा होत राहतात, म्हणून रोज आणि जास्त खेळणारा खेळाडू वर राहतो.